मुस्लिमांबाबत अमेरिकेचे माजी राष्ट्रध्यक्ष ओबामांनी PM मोदींना काय सल्ला दिला???

पंतप्रधान नरेंंद्र मोदी हे सध्या अमेरिकेच्या दौऱ्यावर आहेत. गुरुवारी व्हाईट हाऊसमध्ये प्रसार माध्यमांशी चर्चा करत असतांना, एका प्रश्नाचं उत्तर देत मोदींनी भारतामध्ये लोकशाही असून सर्वांच्या हक्कांचं संरक्षण केलं जातं असं म्हटलं. एकीकडे मोदींच्या या दौऱ्याची चर्चा असतानाच दुसरीकडे अमेरिकेचे माजी राष्ट्रध्यक्ष बराक ओबामा यांनी एक मोठं विधान केलं आहे. ओबामा यांनी एका मुलाखातीमध्ये, भारतामधील अल्पसंख्यांकांच्या सुरक्षेसंदर्भात चिंता व्यक्त करतांना अमेरिकी राष्ट्रध्यक्षांनी मोदींकडे नक्कीच हा मुद्दा मांडला पाहिजे असं म्हटलं आहे.

ओबामा यांनी अमेरिकी News Channel CNN  ला दिलेल्या मुलाखतीमध्ये, भारताने अल्पसंख्यांकांच्या हक्कांचं संरक्षण केलं नाही तर मतभेद वाढून दुही निर्माण होण्याचा धोका असल्याचं म्हटलं. ओबामा यांनी मुलाखतीमध्ये आपण मोदींबरोबर वातावरण बदल आणि इतर अनेक विषयांवर काम केल्याचा उल्लेख केला आहे. मात्र त्याचवेळी भारतीय लोकशाही बद्दल वाढत असलेल्या चिंतेसंर्भातील चर्चाही दोन्ही देशांमध्ये व्हायला हवी असंही ओबामा म्हणाले. 

"मी मोदींना फार चांगल्यापध्दतीने ओळखतो. जर मी मोदींबरोबर संवाद साधला असता तर नक्कीच हा मुद्दा मांडला असता, की जर तुम्ही अल्पसंख्यांकांच्या हक्कांचं संरक्षण केलं नाही तर एक वेळ अशी येईल की भारतामध्ये दुही निर्माण होईल. अशाप्रकारे अंतर्गत कलह होतात तेव्हा काय होतं हे आपण सर्वांनी पाहीलं आहे.  असं घडलं तर ते भारताच्या हिताच्या विरोधात असेल," असं ओबामांनी मुलाखतीत म्हटलं.

"सध्याच्या अमेरिकी राष्ट्रध्यक्षांकडे अनेक गुण आहेत. मी अध्यक्ष होतो, तेव्हा मी काही प्रकरणांमध्ये मित्रपक्ष कोण  होते हे सर्वांना माहीत आहे. ते त्यांची सरकारे आणि त्यांचे रजकीय पक्ष ज्या प्रकारे चालवतात त्याला मी आदर्श लोकशाही म्हणेन का? असा प्रश्न तुम्ही माझ्यावर खजगीत विचारला तर मला नाही असं म्हणावं लागेल," असं सूचक विधान ओबामा यांनी केलं.